Assam CM-i ONGC asset tem OIL nem agütsüdaktsüner

Guwahati, Aami/June 24 (Agencies): Assam Chief Minister Himanta Biswa Sarmai Northeast nung ONGC (Oil and Natura Gases) indang asset tem OIL (Oil India Limited) dangi transfer  südaktsünüba lemsatepogo.

Assam CM Himanta Biswa Sarma-i, Ato Kilonser Narendra Modi dang Northast nung ONGC indang asset tem OIL dangi transfer asütsü asoshi asadangtsü mepeshia shiti ka züluogo.

Taoba mapang Union Petroleum Ministry-i, totzü tali adokdaktsütsü atema ONGC dang oil field tem nung stake aser hive off drilling tanga firm dang ayoktsü atema tetuyuba agütsüogo.

CM Himanta Biswa Sarma-i Ato Kilonser dangi shit nung, nomination ONGC nungi OIL-i transfer asüba ajanga asset transfer asüba nung kecha tetsükdaktsü madoktsü ta shiogo.

“India sorkari North Eastern Region nung ONGC indang ali ajak OIL dangi transfer asütsü atema

asadangdaktsüner,” ta Assam Himanta Biswa Sarma-i Ato Kilonser Narendra Modi dangi züluba shiti nung shia lir.

“OIL ya Assam nung tenzük aser küm aika inyaksangshia arudar. Oil India aser nüburtem tsüngda tesendaktep ya tenüng asangtsü langa lir.

North Eastern Region ajunga nung maparen ajak ya telok kati dang achaayangtsüla ta bilemer aser OIL nem achaayangdaktsüner,” ta CM Sarma-isa ashi.