Assam CM Sonowal-i Indo-Bangla arrtsü shibangtsü nangzük

Guwahati, September 4 (Agencies) : Assam Chief Minister, Sarbananda Sonowal-i Mankachar sector nung Indo-Bangla arrtsü semdangba mapang Bangladesh den arrtsü shibangtsü atema teinyaktsü aika lir ta metetdaktsü.
Hasichar Border Outpost kübok Dewaner Alga nung Sonowal-i arrtsü sema senzü aser pai arrtsü shibangtsü atema mapa inyaktsü onüktem lemsatep.
“Assam nungertemi aginüba ama arrtsü shibangtsü atema mapa aika inyaktsü anünga lir. BJP-i aniba sorkar indang tongtipangtiba mapaji Indo-Bangla arrtsü shibangtsü aser ozüng alema arurtem dang nungi Assam jenbua ayutsü atema lir” ta pai ashi.
Assam nungertemi mapang talangka nungi arrtsü shibangtsü atema aginüa arur, ta paisa shisem.
“Karimganj dena nisung ajaki asen state indang international borders shibangtsü atema mapa inyakba nung yaritepdaktsünür” ta Assam CM-isa ayongzük.
Chief Minister Sonowal-isa ghonda asem shi rong ka nung mener Brahmaputra ayong sema senzü aser Bangladesh den arrtsüa aliba tesemtem reprang.