Assam CM Sonowal mi ensepba gari 28 sayatsü

Guwahati, Aami (June) 1 (Agencies): Assam Chief Minister Sarbananda Sonowal-i Monupii (May) 31, 2018 nü Fire & Emergency Services indang gari 28 tashi sayatsü.
North Guwahati nung aliba Regional Training Centre of Fire and Emergency Services Department nung Sonowal-i garitemji sayatsü.
Fire tending vehicle 28 rongnung ka educational van, ka mini rescue tender, mini water tender pumps 7 aser water tender pumps 19 lir.
“Fire & Emergency Services Department ya public nüngdakdang yariba medemer ka lir aser iba department ajanga state nung nisung aika kümzükogo. Taküm aser rongsen samatsü lia department-i aika kümzükogo” ta Sonowal-i garitem sayatsüdang ashi.