Assam Cong-i RS menden 2 nung takok angu

Guwahati, March 22 (Agencies): Hombarnü Assam nung Congress candidate ana- taoba mapang minister tem, Ripun Bora aser Ranee Narah nati Rajya Sabha menden ana nung takok nguogo.
MLA 86-i vote agütsüba nung taoba state education minister, Bora-i vote 38 angu aser taoba union minister, Narah-i vote 47 angu.
Bodoland Peoples’ Front (BPF)-i independent candidate shishilembar, Mahavit Jain nungita yaria liasü.
Tawa AIUDF MLA ana Congress nung adenba densema tang assembly nung Congress tashiji menden 70 lir. Party MLA anati vote magütsü.
Congress MLA, Rameswar Dhanowar temang manemi aliba ajanga vote magütsütet aser Duliajan nungi party MLA, Amiya Gogoi-a sendeni maru.
Iba den külemi AIUDF MLA 16, independent ka aser BJP MLA kati vote agüja liasü.
AIUDF MLA, Abdur Rahim Khan-i, “Onoki Congress candidate nem vote agütsü, kechiyong Rajya Sabha nung BJP-i nübur anemba bill benokba onoki nokdangner. (Ajisüaka) Onok Congress den tangatettep kecha mali,” ta ashi.
Tanüngba BJP MLA tem, BPF aser Asom Gana Parishad MLA temia vote magütsü.