Assam Congress-i MLA 4 anentsüogo

Guwahati, August 31 (Agencies): Deobar nü Assam Unit, Congress-i party anema inyakba atema Congress MLA pezü party nungi anentsüogo.
Assam Pradesh Congress Committee general secretary (administration) Diganta Choudhury-i, MLA pezü- Jayanta Mallah Baruah (Nalbari), Pallab Lochan Das (Behali), Pijush Hazarika (Raha) aser Pradan Baruah (Jonai) nungeri tawa BJPn nung adensang aser taoba Congress minister Himanta Biswa Sarma pusemtsü asoshi melungtetba sülen osangbenertem den jembidang party anema jembiba asoshi parnoki ajak party nungi anentsüogo, ta ashi.
Choudhury-isa, ano MLA pongu- Bolin Chetia (Sadiya), Rajen Borthakur (Tezpur), Kripanath Mallah (Ratabari), Abe Taher Bepari (Golakganj) aser Binanda Saikia (Sipajhar) nungeria Hokolbar nü BJP pusemertem den külemi tayimtsü anendak Sarma agizük, aser parnok dang anogo 15 tsüngda telangzüba agüjang ta tuyuogo, ta ashi.
Sarma-i BJP Tir Amit Shah ajuruba sülen Deobar nü pai pa BJP nung adentsü lemtetba osang sangdonga liasü, aser iba nungji ajemdaker Mongolbar nü Congress-i pa party nungi anentsüogo.