Assam Congress nüboyim nung Kanhaiya noksa amshir

Guwahati, March 14 (Agencies): State assembly election agitsü aliba state, Assam nung Congress Party-i nüboyimba sentong nung All India Student Federation (AISU) lenir aser Jawaharlal Nehru University Students’ Union Tir, Kahnhaiya Kumar noksa amshidar.
Guwahati nung Congress party-i election atema nüboyimba poster nung JNUSU Tir, Kanhaiya tepoukdak aliba noksa tulu amshidar.
Assam nung Left Party temi menden 59 shi nungi tokteptsü, aser state nung nüboyimtsütsü atema parnoki Kanhaiya den tongtepratepdar.
Iba dak sentakba nung osangbener den jembidang CPI (M) state secretariat züngsem, Suprakash Talukdar-i, “Onoki Kanhaiya den tongtepratepdar, pai Assam nung Left party tem atema nübo yimtsütsüa akok. Congress-i Kanhaiya nungita pusembaji junger aser NDA sorkari tashi alia amshiba jungkai adoka sayutsü atema (Congress-i) pa noksa amshir, saka Congress-i sademsadema jembiba nokdangtsü atema emergency benoka liasü (1975-77 küm), ta parnoki mamatoktsüla,” ta ashi.
Assam Chief Minister, Tarun Gogoi-i Assam nung Kanhaiya onük nung o tokteptsü tenzüka, pai Kanahiya pusemer ta sangdonga liasü.
Assam Pradesh Congress committee otongdar, Abdul Khaleque-i, “Tanü Kanhaiya ya secularism tatishitsü ka lir aser pa ya linük meimba temaitsü lir. Kanhaiya ya o sademsadema jembiba noksa lir aser tan aliba NDA sorkari o sademsadema jembiba anema inyakba onoki jungkai adokdaktsüner,” ta ashi.
Assam nung April 4 aser 11 nü election agitsü.