Assam Congress Tir, Dutta alima nungi pilaogo

New Delhi, June 16 (Agencies): Brihostibarnü Delhi nung aliba AIIMS hospital nung Assam Pradesh Congress Committee Tir, Anjan Dutta temelungjang tashitak ajanga süogo. Pa arishi küm 64 liasü.
Dutta ya May 18, 2016 nü AIIMS-i anir aoba sülen dept. of Pulmonary Sciences nung teyari tagitak liasü. Tamasabo pa  Apollo Hospital nung yari liasü.
“Tanep pa temelungjang agi mapa meinyaki 7:11 ako nung asü,” ta Dutta’er kinünger,  Geetartha Darshan Baruah-i metetdaktsü.
May 25, 2016 nü Congress tatong Tir, Rahul Gandhi AIIMS-i oa pa semdanga liasü.
Congress lenir, Dutta-i pa kinüngtsü den jala asem toktsür alima nungi pilaogo.
Dutta ya taoba Chief Minister, Tarun Gogoi-i kanga melungtoka aliba party lenir ka liasü.
Assam nung Amguri constituency nungi Dutta ya asemben tashi MLA inyaka liasü aser state Transport Minister-a inyakogo.
2014 küm December 13 nü pa APCC nung Tir shima liasü.