Assam Congress züngsem kati noksa tiyazü yanglur prokba atema apu

Guwahati, Monupii (May) 29 (Agencies): Tentonü (Hombar) aonung Amguri police-i Congress züngsem ka Sapekhati nung apu.
BJP-AGP MLA tem aser tanga sorkar ketdangsertem indang noksa ka tiyazü yanglushiba atema pa dak tai tonglokja apu.
Police-i apuba nisungji Charaideo Congress Media Cell züngsem Dipankar Bora lir ta jangjaogo.
BJP MLA Atul Bora, AGP MLA Pradip Hazarika, Hajo MLA Suman Haripriya, Sivasagar DC nunger den ketdangser kar glass marok nung apple juice ajemdang agia liasü, saka social media nung parnoki beer ajemer ta noksaji yanglushir prokshi.
Noksaji Monupii (May) 22 nü Amguri nung solar energy project indang senden ka nung agiba liasü ta osang ajanga ashir.
Noksa tiyazü yanglushibaji social media nung kanga prokshi aser iba atema project manager-i Amguri police station nung ken o ka benok.
Iba nung ajemdaker police-i Dipankar apu.
Iba dak sendakba nung police-i maneni bushisüngdang südar.