Assam, Delhi & Punjab nung kümdanga alitsü osang sangdong

Guwahati, March 24 (Agencies) : Central agencies-i Assam, Delhi aser Punjab dang kiralongrar ket nungi kümdanga alitsü osang metetdaktsüogo.
Taküm February 26 nü taoba mapang Pakistan army ka den kiralongrar trok Punjab adena India telungi aita alitsü akok ta itdangitrartemi temulung melemi bilemer.
Linük yimtiba nung kiralongrartemi hotels aser mozükitem amaktsü akok ta osang kar angazükba sülen Delhi Police-i Holi atema sepai 2,500 mapa lemzüktsüogo.
Osang ajanga ashiba agi, Mohammad Khurshid Alam (Jahangir)-i Assam nung jihadi maparen atema nisung anioker, teyariteper aser len tuyur ama inyak.
Pai September 2015 nung Assam kübok Barpeta district nung madrasa ka semdang aser idakji anogo pungu amungba sülen Bhutan linük den arrtsüa aliba Chirang district-i ao. Pai Dhubri district nung aliba madrasa ka tiyong ser mapa inyak aser idakji tesayur kati pa nem teyari agütsü, ta osang ajanga metetdaktsü.
“Kiralongrar telok jagi Delhi nung Holi matongdang mesüra iba anogo nung hotel aser mozükitem nung nisungtem tepsettsü tasa atonga lir. Kümdanga alitsü atema Delhi nung aliba police station kübok staff ajaki pei telongtet nung hotel aser mozükitem semdangtsü tetuyuba agütsüogo” ta osang ajangasa metetdaktsü.