Assam DGP indang taila FB account ka yanglu

Guwahati, Aami (June) 29 (Agencies): Assam director general of police (DGP) Kuladhar Saikia indang taila Facebook account ka Brihostibarnü temai adok.
Taküm Aami (June) ita Assam nung nisungtemi police ketdangser anabuba indang taila Facebook account tem lapoker asütsü.
Taoba mapang Guwahati commissioner of police Hiren Nath indang taila account ka lapok aser iba dak sendakba nung Nagaon nung nisung ka apu.
DGP Kuladhar Saikia indang personal Facebook account ka yanglua lir aser pai ashiba agi iba account dak alaka tanga kecha lapoka mali.
“Kü tenüng nung Facebook account ka lapoka lir ta kü dang osang ashi saka ni Kula Saikia tenüng nung kü indang Facebook account ka dang lapoka lir” ta pai osangbener dang ashi.
Iba taila account lapoker aputsü atema police-i bushisüngdang ka tenzükogo.
Assam DGP indang account ji tawa ang yanglu ama ajiteter kechiyong ‘friends’ kangabo mali, ta police ketdangser kati ashi.
Tawa tu Assam nung social media tim mesüi amshiba mita reprangtsü atema police-i special cyber patrolling wing ka tentetogo.