Assam Education minister-i College Principal ka anentsü

Guwahati, June 09 (Agencies): Bodhbarnü Assam Education Minister, Dr Himanta Biswa Sarma-i Algapur Science College Principal, Dilwar Hussain anentsüogo.

Education minister-i iba college nung tetsür kaketshirtem indang data meshia liasü, ajisüaka college-i ibaji magütsüba ajanga Principal anentsü, aser iba ya ajanga pei nem lemzüktsüba mapa junga meinyakertem ajak temelungjang atangtsüsa tansütsü ka sayuogo.

Cotton College Guwahati nung college balala nungi Principal tem senden nung jembidang Dr. Sarma-i, “Shisaliok tajung agütsüba nung atsüanem makatsü aser rejutemi tajungtiba nung inyaktsüla,” ta ashi.

Minister-isa, “College class agiba mapang nung tesayurtem ajak alitsüla aser sorkari akokba tashi agi shisaliok rejutem nungita yaritsü, ajisüaka tesayurtemi parnok mapaji khuret süa agitsüla,” ta ashi.

You must be logged in to post a comment Login