Assam election atema BJP candidate 88 sangdongogo

Guwahati, March 09 (Agencies): Bodhbarnü Bharatiya Janata Party (BJP)-i, taruba Assam assembly election nung state assembly menden 126 nungi parnoki menden 90 nungi tokteptsü, ta sangdongogo.
Tanü party headquarters nung BJP indang Central Election Committee senden nung iba telemtetba agia liasü.
Osangbenertem senden nung jembidang BJP lenir, JP Nadda-i, iba senden nung menden 88 nungi tokteptsüpur candidate tem shima liasü, ta ashi.
Iba dak alia BJP lenir Sarbananda Sonowal-i Majuli menden nungi tokteptsü aser Kamakhya Prasad-i Chief minister, Tarun Gogoi den tokteptsü.
BJP candidate rongnung Dispur menden atema Atul Bora tokteptsü, Manoj Baruah (Bhawanipur) menden, Tapan Gogoi (Sonari), Dilip Paul (Silchar), Aminul Haque (Sonai), Dipak Dev (Badarpur) aser Sum Ronghang (Diphu) nunger lir.