Assam gari lendong nung 3 asü aser 5 iru

Guwahati, January 27 (Agencies): Mongolbarnü Sonitpur district nung Majgaon tesem anasa van kati tata gari ka dak atsük. Iba gari lendong nung nisung 3 asü aser 5 yiru.
Tasürtem rongnung gari anisang dang tashi mejangja, saka tanüngba anaji Panna Das aser Abdur Jabbar, ta police-i jangjaogo.
“Van nung mena alitemji aonsotsü ayokertem liasü. Parnok Balipara-i aonsotsü asoshi aruba mapang nung iba lendong atalok. Tata gari anisang gari tsüktepba sülen iba tesem nungi jena oadok,” ta Sonitpur police-i ashi.
Tenük küli agütsürtemi ashiba agi, gari anaprongla tzüsü liaka kanga karaa ania liasü.
“Gari lendong atalokba teimba ka tata gari anirtemi mekümdangi aniba ajanga ataloker. Home ministry data ajanga sayuba agi, tata gari kanga kara aniba ajanga Assam nung 2015 küm nisung 360 tsüksetogo,” ta traffic police ketdangser kati ashi.
Osang ajanga ashiba agi, Assam nung 2015 küm tata gari tsükokba nung aibelener parnok 55 shi, aser takoksa ajururtem parnok 305 shi liasü.