Assam: Garo nungertemi council balaka akhanger

Tura, Rongjui/September 7 (Agencies): Assam nung Garo nunger lokti tentet All A’chik Youth Federation puri Assam nung aliba Garo nunger atema council balaka khangogo.
Iba federation indang unit aika Meghalaya kübok Garo Hills nunga lir aser parnoki ashiba agi, iba tesem nung aliba tanga kintem nem iba maongka agütsüogo.
Yangtepnü sangdong ka ajanga iba lokti tentet Assam zone tir Crossbell Marak-i “Onoki Sarbananda Sonowal-i aniba Assam sorkar nem Garo nunger iba state nung putu aika lia aruba reprangteta Garo nunger atema autonomous council ka tentetdaktsüner,” ta ashi.
Kasa lokti tenteti Assam kübok Mising, Tiwa, aser Sonowal kin tem ateshia Assam nung kasa jenjangji Garo nunger nem agütsütsü mepeshi.
“Nüjiso atema rara mapang ozü tetsütebou tem aikati taküm bendanga agütsüogo, süra kechiba Assam sorkari Garo nungertemi teyari agütsüba mezüngshir, ta asüngdangner. Assam nung Boro nunger ya lokti tulu ka lir aser parnok sülenbo state nung Garo nunger timba lir,” tamarack-isa ashi.
Federation-isa council balaka akhangba ya par kin sobaliba aser oshi wazüka ayutsü atema lir, ta ashi.
“Rabha Hasong Autonomous Council (RHAC) kübok onok ya tongtiba kin ka lir saka RHAC nungi onok nem kecha teyari magütsür,” ta kasa sangdong ajanga metetdaktsü.
Kasa sangdong nungsa Garo nunger tem ya British nunger yimsüsüba metenzük tsüngda Assam nung lia liasü, ta ashia lir.