Assam global investors’ summit Ato Kilonser Modi-i lapoktsütsü

Guwahati, Tsüklai 1 (Agencies): ‘Advantage Assam’ ta nüngja agütsür global investors’ summit mezüngbuba Ato Kilonser Narendra Modi-i Küptoknü lapoktsütsü atema renema lir.
Anogo ana amungtsüba atema sentong yanglur aliba summit nung ya domestic aser international industry lenirtem aser züngsem 2000 dak temai shilem agiba angutsü aser state-i ASEAN linük tem den India sendakteptsüba atema Assam ya kishi ka ta sayutsü asoshi akokba tashi inyaktsü.
Sorkar otongdar kati ashiba agi, bendanglen nungi delegates tem rongnung Bhutan, Ato Kilonser, Dasho Tshering Tobgay, Bangladesh industry minister Amir Hossain Amu, Cambodia tourism minister Thong Khon, Laos vice minister of information, culture and tourism, E Ounethoang Khaophanh, Myanmar commerce minister Than Myint aser iba dak alia USA, Vietnam, UAE, Netherland, Nepal, Korea, Japan, Israel, Indonesia, Germany, Czech Republic aser Canada nungi ambassadors, high commissioners aser business delegate temi iba sentong nung shilem agitsü.
Sorkari parnok shilem ka ama shishilembartemi parnok indang firm amendaktsüba atema ali mela mela alitsüba atema land conversion ken o nunger amala kecha melei industrial corridor square kilometer 160 offer asütsü. Iba ajanga industrial estates tasen yanglutettsü aser item ajanga lenla balala, education, lenmang amala nung terenlok tali bener arutsü.
“Global investor’s summit, 2018 mezüngbuba ajanga India atema Assam ya South-East Asian linüktem den sendakteptsüba lenmang ka amai sayutsüba nükjidong lir. ‘Advantage Assam’ sentong ya investment promotion aser facilitation initiative tsütsü Assam sorkari ayongzükba sentong rongnung tulutiba asütsü,” ta otongdarisa ashi.
Assam sorkari aluyimba, food processing, organic cultivation aser au tsünüba, handloom, textile aser handicrafts, logistics, river transport ser port township, IT aser ITeS, pharmaceutical aser medical equipment, plastics aser petrochemicals, power, tourism, hospitality aser wellness, civil aviation, petroleum aser Natural Gas aser startups innovation tsütsü tali rangloker iba sentong ya ayongzüker.