Assam : IT-i sen tasenba crore 2.35 apu

Guwahati, December 22 (Agencies) : Linük nung demonetisation tenzükba sülen Assam nung sen timtiba apuba rongnung tanü, Brihostibarnü Guwahati nungi kilometre 11 shi pilar aliba Nagaon district kübok Nagaon Barabazar nung Income Tax (I-T) department-i shishilembar nisung ana ket nungi sen crore 2.35 apuba ya lir. Tena ket nung aliba sen ajakji tan tasen adokba senpaktem liasü.
Onoki osang tejangja angashiba sülen mita ao, ta I-T department osang ka ajanga ashi.
“Tanü apuba sen rongnung sen crore 2.29 bo tang tasen adokba sen 2000 senpaktem liasü aser tanüngba sen kah ka shiji tang tasen adokba sen 500 senpaktem lir,” ta kasa osang ajangsa ashi.
Income Tax puri shishilembar Amulya Das aser Tapan Das na dang asüngdangya süogo.
“Tenati iba senji ochi mashi sen masü ta shiaka ibaji pusemtsü atema tezüluba tejangja nüngdaker,” ta osang ajanga ashi.
Parnok ama nisung yagi ochi mashi bank ketdangser den tangatettep yur sen tasenba agizüka agir anungji yamaji süra parnok pua ayutsü nüngdak.
Shishilemar ana yagi temejakba moko aser stationary wholesale jenjang nung ayoker.
Taoba hopta nunga Assam police-i shishilembar ka ket nungi sen crore 1.3 apu.