Assam Minister-i Airport & Railway dang tuyur

Guwahati, March 23 (Agencies): Assam Transport Minister Chandra Mohan Patowary-i Airport aser Railway ketdangsertem dang mozü, jangotsü aser tanga nüngdakbatem peria angutsüsa mapa inyaktsü tetuyuba agütsüogo.
Iba senden nung Regional Executive Director, Airport Authority of India (AAI) Sanjeev Jindal-i ashiba agi, Lokpriya Gopinath Bordoloi International (LGBI) Airport nung passenger ajak screen asür.
Airport nungsa nüngdakba ajak renema lir aser transport sector nung AAI-i Assam sorkar den yariteptsü, ta Jindal-isa ashi.
Chief Commercial Manager, NF Railway, VV Jituri-ia ashiba agi, Indian Railways-i March 31, 2020 tashi linük ajungalen passenger rail services mesenzütsü osang metetdaktsüogo.
Tang len tom nung tarudak train tem asüng Guwahati atongtsü. Ajisüaka, Assam-i nüngdakbatem bener arutsü atema freight rail services maneni senzütsü, ta paisa ashi.
Food and Civil Supplies Department-i NF Railway den yaritepa osettem godowns-i bener aotsü atema truck gari aser nübo agütsütsü.
Patowary-isa health ketdangsertem dang airports aser railway stations nung passenger ajak stamp asütsü atema tetuyuba agütsü.