Assam minister meyong security guard ka pasasa kahset

Guwahati, August 17 (Agencies): Yasüng tesü Assam Tourism minister, Sumitra Patir’er tanüker security sepai ka Guwahati nung minister meyong official kidang pasasa kahseta süogo, ta tanü police-i ashi.
Deobar aonung 11:00 ako meta minister quarter nung aliba barrack nung security guard, Akhil Haloi-i pa meyong service prangpong amshia pasasa kahset, ta tanü police osang ka ajanga ashi.
“Duty atemba sülen pa barrack-i ao. Ajisüaka khenpiga lir injang akahba ola par medemertemi angashiba sülen oa reprangdangba mapang pa azü agi sünger ondaka liasü,” ta police-i ashi.
Iba tatalokba sülen pa Guwahati Medical College-i anir aoba mapang len tom nung asü, ta parnokisa ashi.
Ajisüaka iba lendong atalokba mapang minister Patir bo kidangji maliasü.