Assam MLA Das-i kidang yariteper tanur tashiyim agi raksatsüba atema puogo

Rangia, October 04 (Agencies): Taoba ita kidang yariteper tetsür kanga tanur ka tashiyim agi raksatsür jenshia alisang Assam MLA, Gopi Nath Das Deobar nü puogo.
Gopi Nath Das ya Kamrup district CJM Court nung pa sasa pudaktsütsü asoshi apusoba mapang Amingaon nung apu, ta Kamrup Superintendent of Police Indrani Barua-i ashi.
Pa ya Boko constituency nung All India United Democratic Front (AIUDF) nungi toktepa liasü aser pa tang Palashbari police station-i anirogo, ta lai ashi.
Iba ken o dak sentakba nung pa ita ka dak tema jenshia senzükogo.
Guwahati nung MLA, Das-i gari telung nung tashiyim agi ni raksatsüogo, ta arishi küm 14 tanur, tetsüri Boko police station kübok aliba Mandira outpost nung ashiba sülen August 29 nü Indian Penal Code (IPC) kübok Section 343 nung ajemdaker, Section 4/8 nung shia aliba ama ‘Protection of Children from Sexual Offences Act 2012,’ kübok ken o benoka lir.
Iba sülen kasa ken o ji Boko police station nem melenoktsüogo.
Iba tetsürla ya Kamrup district nung aliba Nagarbera police station kübok Heckra Jogipara tesem nungi lir aser MLA, Das’er kidang yaritepa liya liasü aser lai media jakdang MLA-i Guwahati nung gari telung nung la taküm raksatsü, ta ashi.