Assam MLA-i Jamuna Boro nem ali ‘bigha’ ka agütsü

Guwahati, May 28 (Agencies): Assam nungi tsüngteper Jamuna Boro-i India Open Boxing Tournament nung gold medal nguteta state asoshi tenüng tajung bentsür aru aser iba tepela nung Dhekiajuli nungi BJP MLA Ashok Singhal-i la nem ali agütsü.
Guwahati nung ayongba asayamung nung Jamuna Boro-i Dhekiajuli jila aser Assam state atema konang bener arutsüogo, ta Singhal-i ashi.
BJP MLA-i Jamuna nem ali bigha ka sempet agütsü.
“Vidhayak Seva Kendra, Dhekiajuli nung national boxing champion Jamuna Boro den ajurutepbaji maongka ka lir. Nai maneni Assam aser India atema sempettem bentsür arutsü ta onoki imlar” ta Singhal-i Twitter nung metetdaktsü.
Asayamung 54 kg category nung Jamuna-i Y Sandhyarani den tsüngtepdang takok 5-0 agi ngua gold sempet agizüka liasü.