Assam MLA ka BJP nung denogo

Guwahati, October 30 (Agencies): Assam anüdoklentip tesem nung nüburtemi kanga saklokba MLA Padma Hazarika, BJP nung denogo.
Sootea constituency nungi asemben atongaMLA menden angusang, Hazarika-i tan hopta tetenzüklen pa dena aliba Asom Gana Parishad telok toktsü aser Sootea nung BJP rally ka akaba mapang state BJP Tir Siddhartha Bhattacharya-i anir BJP pusemer noklang aika sendena alidak pa BJP nung official süa züngokogo.
Iba rally nung, Hazarika-i, state nung terenlok tsütsü maneni BJP sabang nungi ni raratsü, ta nangzükogo.
Hazarika AGP nung medeni aoba ajanga sangküm aruya-a aliba election mapang party nung tapok tuluka apatsü kechiba süra tesüiba mapang Dispur nungi anaben takok ngur aliba tangbo nisung 126 agi akümba assembly nung party nungi nisung ka dang akümer.