Assam, Nagaland Angh-i Holi salem abener

Dimapur, March 22 (TYO): Holi benjung atongtsü anogo ka lia tanü Assam aser Nagaland Angh, P B Acharya-i nüburtem den Holi benjung salem lemsatepogo.
Holi ya temenen madak tajung indang benjung aser iba benjung amungba ajanga lokti nung apu latsüba den tesentaktep tasen yanglutsür, ta tanü Angh-i sangdong ka ajanga metetdaktsü.
“Holi ya nüngja balala nung benjungtsü akok aser state balala nung sobaliba balala benshitsüa akok, ajisüaka iba benjung balaka asüba ya, linük aser alima ajungalen kasa tanela nung amungba yong lir,” ta PB Acharya-isa ashi.
Sentsü aika indang benjung ya tembatep tanela nung benjungba ajanga telungjem tali tashi itdaktsütsüla, ta paisa shisem.