Assam nung AFSPA agientsü

Guwahati, May 17 (Agencies): Assam nung küm 29 lir külen Armed Forces (Special Powers) Act (AFSPA) agientsü atema mapa inyaker.
Centre sorkari armed forces dang state toktsür aotsü atema sentong renemtsü tetuyuba agütsüogo ta osang ajanga ashir.
Assam nung AFSPA ya November 27, 1990 nü benokba lir.
Iba mapang ULFA-i ozüng alema mapa inyakba atema AFSPA ozüng alitsü benok.
Assam nung ULFA-i ozüng alema mapa inyakdang nisung takümtem samaba mesüra yiruyibongba atema ‘disturbed area’ ta züngok aser AFSPA ozüng benok.
Lia arudang Assam kübok tesem aika nung tensa tajungba aküm aser iba jagi Army-i district aika nung AFSPA agien.
Centre-i mapang apuloktsü mesüra Act agientsü atema ashiba sülen Assam sorkari yaküm anaben tashi AFSPA mapang apuloktsü.
National Register of Citizens (NRC) maparen inyakba nung ajemdaker Act magiener ta state sorkari ashi.
AFSPA ya Parliament indang Act ka lir aser iba ajanga ‘disturbed areas’ ta züngoka aliba tesemtem nung armed forces nem tashi balaka agütsür.