Assam nung AIIMS amenoktsü

Guwahati, May 24 (Agencies): Ato kilonser, Narendra Modi mendenbuba ser amenba Cabinet senden nung Kamrup (North Guwahati Revenue circle) nung AIIMS ka amenoktsü atema agizükogo; Pradhan Mantri Swasthya Suraksha Yojana (PMSSY) kübok iba project nung sen crore 1123 indoktsü.
India sorkari iba telemtetba agiba mapang nungi tenzüka ita 48 tsüngda AIIMS ya tembanga yanglutsü. Pre-construction nung ita 15 agitsü, construction mapang nung ita 30 aser commission asütsü atema ita 3 agitsü.
AIIMS tasenba nungji yipten 750 hospital den trauma center facilities, medical college ka (küm shia MBBS kaketshir 100), nursing college ka (küm nung B.Sc nursing student 60), residential complexes alitsü aser AIIMS, New Delhi nung aliba den kasa allied facilities/services alitsü.
Iba hospital nung Operation Theater 16 densema Speciality/Super-Speciality Departments 22 alitsü, iba den külemi AYUSH department ka den sobaliba mozütem ajanga treatment atema yipten 30 alitsü.
Assam nung AIIMS tasen amenokba ajanga Northeast tesem nung aliba nüburtem nem super speciality health care agütsütsü iba den külemi National Health Mission (NHM) kübok primary aser secondary level institutions amenokba ajanga NE tesem nung doctor tem aser health workers aikati maongka angutsü.
Iba scheme kübok Bhubaneshwar, Bhopal, Raipur, Jodhpur, Rishikesh aser Patna nung AIIMS amenokogo aser maneni Rae Bareli nunga AIIMS maparen teinyakdak lir.
Ano Nagpur (Maharashtra), Kalyani (West Bengal) aser Mangalagiri (Andhra Pradesh) nunga AIIMS amenoktsü atema 2015 küm agizüka lir, iba den külemi Bathinda aser Gorakhpur na nunga AIIMS amenoktsü atema 2016 küm agizüka lir.