Assam nung ano district tasen 5 tenteter

Guwahati, August 15 (Agencies): Tanü Assam Chief Minister Tarun Gogoi-i state nung district tasen pongu tentettsü osang sangdongogo, district tasen ponguji densemabo Assam nung district ajak agi 32 asütsü.
Tanü Guwahati, Khanapara tesem nung aliba Veterinary College moapu nung Independence Day benjungmung onük jembidang Assam CM Gogoi-i state nung district tasen kümtetba osangji sangdonga liasü.
State nung district tasen ponguji Biswanath Chariali, Hojai, West Karbi Anglong, Charaideu aser South Salmara-Mankachar lir.
2003 küm Assam sorkari district tasen asem- Udalguri, Chirang aser Baksa tenteta liasü aser iba mapang nungjisa Kokrajhar district-ia Bodoland Territorial Council tentettsü asoshi temelaba agüja liasü.
Ajisüaka state nung sub-division tem tentettsü asoshi takhangba dak sentakba nungbo chief minister-i kecha menangzük.
State nung junga yimsüsütsü asoshi telok balalai sub-division tasen 55 tentettsü atema state sorkar dang akhanger.
Assam inyakyim telatetba nung, district ka tentettsü atema tajemba agi nütsüng lakh 10 bosa alitsüla aser sub-division ka tentettsü asoshi tajemba agi nütsüng lakh 4 bosa alitsüla.
Iba dak alia Hill district ka tentettsü asoshi tajemba agi nütsüng lakh ana bosa alitsüla.