Assam nung Army-i NSCA tanishir apu

Guwahati, September 16 (Agencies) : Army nungi Red Horns Division aser police telok kati East Karbi Anglong district nung operation ka agidang telungpur ana apu.
Tena rongnung National Socialist Council of Adivasi (NSCA) nung deputy commander-in-chief, Binod Gowla dena lir. Brihostibarnü Army indang intelligence unit ajanga osang sangoktsüba sülen iba mapa inyak, ta defence otongdar, Lt. Col. Suneet Newton-i ashi.
Telungpurtem ket nungi 7.65-mm pistol ka, grenade aser injangtem angu. NSCA ya ozüng alema mapa inyakba telok ka lir, ta otongdarisa shisem.
Ano, Army aser police nati tanga mapa ka inyadang NDFB-Songbijit züngsem Hwbtasad Brahma apu.
Chirang district kübok West Daisamguri nung Brahma ji apu aser pa ket nungi pistol aser injangtem bena liasü, ta osang ajanga metetdaktsü.