Assam nung assembly speaker tasen shiemogo

Guwahati, January 31 (Agencies): Taoba mapang AGP telok nungi nungi minister inyaksang aser tang BJP telok nungi legislator, Hitendra Nath Goswami-i Hombarnü Assam assembly nung 20 buba speaker inyaktsü shimtetogo. Pa den tokteper shinga maliasü.
Goswami ya tzüzüng-ozüng kanga junga metetba aser parliamentary affair nung mongin ka lir.
“Democracy wazüka ayutsü asoshi ni meranga inyaktsü. Assembly senden amenba mapang mangatettep adokba ajanga senden mathitsü asoshi ni tajungtiba nung inyaktsü,” ta Goswami ajanga osangbener dang ashi.
Arishi küm 58 tain, Goswami ya Jorhat constituency nungi election nung pezübenbuba adoka lir. Iba constituency nungi Debeswar Sarmah (March 1946 – October 1947) aser Kuladhar Chaliha (March 1952-June 1957)-i assembly speaker ya inyaka liasü.
Ranjeet Kumar Dass-i taoba küm June ita nung iba menden ya agizüka liasü saka pa Assam BJP tir shimba sülen iba menden tazüng aküm.