Assam nung BJP-i Panchayat election nung menden teimba angu

Guwahati, Luchii (December) 22 (Agencies): Assam nung sorkar yimsü tesüdak Bharatiya Janata Party (BJP)-i panchayat elections nung menden teimba nung takok ngutetogo.
BJP-i menden 42% nung takok angu aser Congress-i menden 34% nung takok nguteta tanabuba jenjang nung lir, ta Assam State Election Commission (ASEC)-i metetdaktsü.
December 12 nungi Assam ajungalen shilem lemsar panchayat elections agidang BJP-i mapa 26,784 nungi 11,325 nung takok angu, ta ASEC-isa ashi.
Congress-i mapa 8,970 aser Independent candidate temi mapa 3,048 nung takok angu.
Assam teloktep sorkar nung Asom Gana Parishad (AGP) dena lir aser parnoki menden pezübuba nung mapa 1,963 takok ngutet. Maneni opposition AIUDF-ia mapa 1,319 nung takok angu, ta ASEC-isa metetdaktsü.
Mapa ajak nungi 21,970 ji gaon panchayat members (GPM), gaon panchayat presidents (GPP) aser anchalik panchayat members (APM) tema 2,197 aser zilla parishad members (ZPM) atema mapa 420 lir.
GPM mapa 52 atema nomination ka danga maliasü aser tarutsü anogotem by-elections agitsü.
December 5 aser 9 nung elections agiba nung nisung 82%-i vote agütsüba nung shilem agi. Candidate ajak agi 78,571 liasü aser parnok rongnung 734 bo tetokteper melii dang takok angu.