Assam nung class IX & X kaketshir nem textbook angati agütsütsü

Guwahati, December 6 (Agencies) : Assam nung taruba academic session nungi sorkari class IX aser X kaketshirtem nem textbook angati agütsütsü.
Sorkari lapokba school tem nung kaketshirtem tali züindaktsütsü nükjidong nung iba telemtetba ya agi. Tang tashi nungbo Class VIII kaketshirtem nem dang angati textbook agütsür.
January 1, 2017 nungi taruba academic session tenzüktsü anungji December 25 tashi nung kaketshirtem ket nung textbook atongtsü, ta Assam sorkar sangdong ka nung metetdaktsü.
Angati textbook menüngtsü aser alemtsübaji Assam State Textbook Production and Publication Corporation Limited nem mapa lemzüktsür, ta secondary education department sangdong nung shia lir.
Iba mapa inyaktsü atema directorate jenjang nung state nodal officer ji Director of secondary education asütsü aser District inspector of school temi district nodal officer ama inyaktsü.
Textbook agizükba aser alemba maparen ketdangsüa reprangtsü atema district-level committee tentettsü aser iba nung mendenbubaji deputy commissioner, Inspector of school-i tezülur ama inyaktsü aser DC ajanga school principal ana züngsem ama shimtsü.