Assam nung Congress & BJP-i Ajmal aitsür

Guwahati, January 24 (Agencies) : AIUDF tanishir aser MP Badruddin Ajmal-i Assam nung assembly election matongdang züngsem agi tangar memenepba kin ajak longjemtsüla ta o jembiba BJP aser Congress nati aitsüogo.
Barpeta district kübok Baghbor nung lokti senden ka nung jembidang Ajmal-i, “Prime Minister Narendra Modi-i tawa Assam semdangba sülen state nung Hindu nunger ajak longjemogo aser tang Muslim nunger ajak longjemtsü mapang ka lir” ta jembi.
Iba onük atema BJP-i Ajmal ji ozüng amertem aputsüla ta takhangba agütsüogo. Parnoki Guwahati nung Ajmal anema lungkak aitba sentong ka agi aser pa mesüka noksa yanglur rongdok.
Assam nung elections matongdang Ajmal-i tamangba telok balala tsüngda mangatettep adokdaktsütsü atema tasa atonga inyaker, ta BJP national vice-president aser MP Bijoya Chakravarty-i metetdaktsü.
Ano, BJP minority wing President, Mominul Awal-i ashiba agi, Assam nung Hindu aser Muslim nunger küm aika yimjung nung lia arur saka Ajmal-i vote angutsü mechi nung Muslim nunger mashileni ajungmesotsü atonger.
Assam Congress vice-president Ripun Bora-ia iba onük atema Ajmal aitsüogo.

You must be logged in to post a comment Login