Assam nung Divyang kaketshirtem angati admission asütsü

Guwahati, June 19 (Agencies) : Deobarnü Assam sorkari shi nung tangar memepeba kaketshirtem (Divyang) sorkar rejutem nung angati admission sütettsü ta metetdaktsüogo.
Iba mapaji taküm nungi tenzüktsü ta State Education Minister, Himanta Biswa Sarma-i ashi.
Iba inyakyim ajanga class 9 nungi university jenjang tashi nung kaketshirtem tajangzük angutsü aser parnok admission agitsü atema tsürabur indang income certificate nüngdak madoktsü, ta Himanta-i metetdaktsü.
Taoba mapang Education Department-i sensaker kaketshirtem atema undergraduate jenjang tashi angati education agütsütsü sangoktsüogo.
BJP-i election nüboyimba nung nangzükba ama, state sorkari Lower Primary schools nung TET (Teachers Eligibility Test) qualified teachers 38,000 nem regular appointment agütsütsü mapa tenzükogo, ta State Education Minister-isa metetdaktsü.
Tan June 27 anogo tashi nung tesayur meyirjang 7 den timba regular post angutsü, ta Himanta-isa shisem.