Assam nung Foreigner Tribunals 200 lapoksemtsü

Guwahati, September 27 (Agencies): Assam sorkari Foreigner Tribunals talila 200 lapoktsü atema tetuyuba agütsüogo. Final National Register of Citizens (NRC) nung züngdokertem indang ken o tem angadangtsü atema FT tem lapoktsü.
Tang ya Foreigner Tribunals (FTs) 100 lapoka lir aser ano 200 talila lapoksemtsü, ta sorkar sangdong ka nung metetdaktsü.
Final NRC sayaba sülen anogo 120 tsüngda NRC nung züngdokertemi ken o tem benoktsüla.
Assam indang final NRC ji August 31 nü sangdong aser nisung 3,30,27,661 tenüng agütsüba nungi 19,06,657 züngdok.
September 23 sorkar sangdong nung FTs lapoktsübatem tsünglanglen agütsür.
Baksa district 6, Biswanath 5, Bongaigaon 5, Barpeta 7, Cachar 9, Charaideo 1, Chirang 2, Darrang 10, Dhemaji 3, Dhubri 8, Dibrugarh 3, Dima Hasao 1, Goalpara 8, Golaghat 5, Hailakandi 8, Hojai 11, Jorhat 7, Kamrup (Metro) 15, Kamrup (Rural) 8, Karimganj 8, Karbi Anglong 4, Kokarajhar 5, Lakhimpur 7, Majuli 1, Morigaon 8, Nagaon 15, Nalbari 2, Sivasagar 3, Sonitpur 8, South Salmara 2, Tinsukia 9, Udalguri 4 & West Karbi Anglong 2.