Assam nung Foreigners Tribunal züngsem ka dak advocate telok kati azük

Guwahati, February 16 (Agencies): Assam, Goalpara district nung Foreigners Tribunal züngsem ka dak azükba ken-o nung advocate pezü police-i Brehostibarnü puogo.
Advocate tem indang ‘client’ ti bendangertem lir, ta Foreigners Tribunal nung züngsem, Ajay Kumar Phukan-i ashiba sülen, item advocate telok yagi Phukan dak azük.
Goalpara indang Tribunal züngsem, Phukan yagi obendangdak, ‘D’ (doubtful) nung vote agütsür 13 arua aliba ya bendangertem lir, ta ashi.
Bodbarnü okadak iba ken-o angadangba sülen, item rongnung nisung ti indang advocate temi Phukan den okadak kima raratep aser azük.
Advocate tem yagi court indang kiojena kar raksatsü, ta police temi ashi.
Court nung tanükertem marudang, advocate tem ya jena ao. Iba sülen police temi parnok pezü Brehostibarnü apu aser tanüngba advocate tem bushi tenzükogo.
Iba lendong atalokba sülen, Phukan-i police nem FIR agütsü.
Assam Police nung, Director General, Mukesh Sahay, Special DG, Kula Saikia, Guwahati High Court indang Justice, Ujjal Bhuyan aser ketdangsertemia iba tesem semdangogo.