Assam nung gari yanglur kati helicopter yanglutet

Guwahati, February 12 (Agencies) : Dhemaji district, Assam nungi gari yanglur Chandra Sharma-i temulungtetba tulu nung kanga anibelema aser bendanga agüja inyakba ajanga helicopter ka yanglutetogo aser pai iba helicopter tenüng ‘Pawan Putra’ jatsüogo.
Sharma-i iba helicopter yangludang sen lakh 15 shi entok aser pai ashiba agi, iba helicopter nung nisung ana mener ali nungi feet 30-50 pilar tua yimtettsü.
“Ni tanur asüdang nungi helicopter kabosa yanglutsü ta bilema liasü. Asenoki iba helicopter reprangdang azük nung fan tulu ka aser tesülen fan tila ka ta angur. Ni kanga junga shisadanga aser asadangdang item fan tem ajanga kechi tashi agütsür ibaji meteta aküm,” ta pai ashi.
Pa tang iba tayimtsü yimtaktsütsü asoshi ketdangsertem dang nungi temelaba atadar.
“Anüngdang pai tanur repranger, ki mapatem nunga yarir aser kidang chiyungtsü asoshia ayanger. Pai iba helicopter ya aonung angsa yanglu,” ta Sharma kinungtsü Jugmani-i ashi.
Maongka tajung dang ngura Chandra Sharma ama inyaktettsüsa sempet akar nisung aika linük tesem ajak nung lir.