Assam nung imam 2 dena jihadi 7 apu

Guwahati, April 22 (Agencies) : Bangladesh nung amenoka aliba kiralongrar telok, Jamaat-ul-Mujahideen Bangladesh (JMB) den tesentaktep alir nisung 7 tashi Assam kübok Chirang district nung puogo.
Parnok rongnung nisung anabo mosque nung putirtem lir aser tenaji Joynal Abedin (32) aser Rezzak Ali (21) na ta jangjaogo. Tenaji Amguri mosque nung imam inyaka liasü, ta police-i metetdaktsü.
Tanüngba nisung punguji, Soleman Ali (28), Dildar Ali (23), Md. Nurul Islam (27), Rafiqul Islam aser Ukhiluddin (33) nunger lir ta parnokisa shisem.
Parnoki JMB züngsemtem nem training agütsütsü atema tesep ka tenteta liasü, ta Assam Police-isa metetdaktsü.