Assam nung jihadist ta temulung melemi bilemer 4 apu

Guwahati, April 17 (Agencies) : Assam police-i kiralongrar ta temulung melemi bilemer nisung pezü apu aser parnokji ‘jihadi’ teloktem den tesentaktep kuli bushitepdar.
Kokrajhar aser Chirang nungi police temi yasüng district ana nung tesem aika mita ao, ta Bodoland Territorial Area Districts Inspector General of Police, L R Bishnoi-i ashi.
Kokrajhar kübok Tulsibil, Muwamari, Bhawraguri o Jaypur aser Chirang kübok Dawkhanagar tesemtem nung jihadis ta temulung melemi bilemer nisung pezüji apu, ta Bishnoi-isa metetdaktsü.
Par pezüji Abu Bakar Siddique, Jahanur Alam Sheikh, Samad Ali Mandal aser Azizul Sheikh nunger ta jangjaogo.
Par pezü ket nungi HE grenade ka, revolver ka, M20 ammunition round 7, army camouflage dress 2 aser mobile phone 5 ngutetogo, ta paisa metetdaktsü.
Bishnoi-isa ashiba agi, parnokji jihadi telok den tesentaktep aliba putettsü atema asüngdangya südar.