Assam nung kazütsü pistol ka amer bank auyatsü merang

Guwahati, Aami (June) 8 (Agencies): Bidyut Mech ta ser nisung kati Noonmati nung aliba Co-Operative City Bank Ltd auyatsü merangba atema Noonmati police-i pa apu.
Brihostibarnü Mech jagi kazütsü pistol ka aser kotari ka amer bank telungi ai. Yashi nikongtsütsü pai pa tejak sü tanak ka agi meibanger bank auyatsü merang, ta police-i ashi.
Bidyut Mech-i bank telung nung alir ajak dang parnok aliba tesem nungi marakzütsü ashi aser pa nem sen agütsütsü tetuyuba agütsü. Pai kazütsü pistol aser kotariji customers aser bank ketdangser dang sayu.
Ajisüaka, security guard Laxmikant Basumatary-i pa apu aser Noonmati police ket nungi agütsü.
Police-i Mech ket nungi kazütsü pistol ka, kotari ka aser scooty ka ngutetogo.