Assam nung kitsükkirong lendong atema mobile app ka saya

Tinsukia, October 4 (Agencies): Assam nung fire & emergency services ketdangsertemi jila aser yimtitem nung aliba kiojentem mita reprangtsü atema Assam Chief Minister Sarbananda Sonowal-i mobile application ka sayatsüogo.
Tinsukia district kübok Makun nung aliba 2nd Assam Police Battalion headquarters nung Sonowal-i app sayatsü aser state nung alirtem nem Bipod Bondhu Bahini (BBB) (friends of distress force) bendanga agütsü.
Bipad Bandhu Bahini ya Fire & Emergency Services kübok tentetba lir aser iba telok ajanga lendongtsüdong ajurudang public yaritsü.
BBB ya Assam Police indang disaster relief force lir aser iba nung state kübok tesem balala nungi lanurtem dena lir. Mi, menoknok mesüra tanga lendongtsüdong balala nung yariteptsü atema parnok nem training agütsüogo.
BBB personnel temi lendong ajurur ajak yaritsüsa training agütsüogo. Ajisüaka, lendongtsüdong nung jenbua alitsü atema nübortem jeretpera alitsüla ta Sonowal-i ashi.
Sorkar aser nübortem tsüngda tesentaktep tajung yur alitsüla aser yamaji asü nung dang asenok süngjema aser putepa litettsü, ta paisa metetdaktsü.