Assam nung KPLT telungpur ka kahset

Guwahati, August 24 (Agencies) : Bodbar nü Assam kübok East Karbi Anglong district nung Karbi People’s Liberation Tiger (KPLT) züngsem ka kahset.
Osang tejangja kar angazükba sülen Mongulbar aonung Army aser Assam Police telok kati telungpur mita aotsü tenzük aser tatem nung KPLT züngsemji kahset.
“Osang kar angazükba sülen Mongulbar aonung Army aser Assam Police-i East Karbi Anglong kübok Nalbarigaon tesem nung mita ao. Tanep 4:00 ako meta patrol party dak injang kahloktsü aser kahtepdang KPLT züngsem ka kahset” ta Guwahati defence PRO, Lt Col Suneet Newton-i metetdaktsü.
Mita aoba mapang telungpurtemi sepaitem dak injang kahloktsü. Kahtepba tesem nungi 9 mm pistol ka den injang, hand grenade ka aser tanga osettem angu, ta paisa ashi.
August 5, 2016 nü Kokrajhar nung NDFB(S) telungpurtemi civilian 15 tepsetbha sülen sepaitemi telungpurtemi mapa inyaka aruba kübok iba ya shilem ka liasü, ta Lt Col Suneet Newton-isa shisem.