Assam nung KPLT züngsem ana kahset

Guwahati, April 02 (Agencies) : State nung assembly election magidaktsütsü ta nokdaker telok, Karbi Peoples Liberation Tigers (KPLT) züngsem ana Karbi Anglong district nung sepaitem den kahtepdang kahsetogo, ta police-i Honibarnü metetdaktsü.
Police aser Army na lokteper mita aoba telok den Borlangso nung kahtepba mapang telungpur anaji kahset, ta Superintendent of Police Debojit Deuri-i ashi.
Tena ket nungi Heckler & Koch 36 rifle ka aser iba prangpong indang injang 45, point 22 pistol den injang, 303 pistol den injang 8 aser Indian Small Arms System (INSAS) rifle kar nguteta lir, ta pai ashi.
Diphu Press Club senden ka nung KPLT nungi mokdangba aser election anema nokdakba sangdong aruba kecha osangkakettem nung magütsütsü ta lemtetba ajanga parnoki osangbenertem amokmerena shidi yok, ta press club ketdangsertemi ashi.