Assam nung medical college tasen 3 lapoktsü

Guwahati, Luchii (December) 19 (Agencies): Taruba küm asem tsüngda Assam nung yipten 500 aliba medical college asem tashi lapoktsü.
January 6, 7 aser 9 anogotem Chief Minister Sarbananda Sonowal-i Kokrajhar, Nalbari aser Tinsukia nung medical college asem indang lung azünga yutsütsü, ta Assam Health Minister Himanta Biswa Sarma-i ashi.
“Medical college asem nung menden noklang ka ka alitsü. Kokrajhar medical college ji sen crore 382.70, Nalbari nung sen crore 398.31 aser Tinsukia nung sen crore 404.63 endoka yanglutsü” ta paisa shisem.
“Tang Assam nung medical college 6 lir- Gauhati Medical College, Assam Medical College, Silchar Medical College, Tezpur Medical College, Jorhat Medical College aser Barpeta Medical College. College trok nung MBBS education atema menden 726 lir” ta paisa metetdaktsü.
Maneni, Dhubri, Lakhimpur, Nagaon aser Diphu nung medical college pezü tashi tang teyangludak lir.
Item medical college pezü shia nung yipten 500 lir aser medical education atema college shia menden 400 alitsü. Assam nung medical college 13 lapokba sülen medical education atema menden ajak agi 1,426 asütsü.