Guwahati, Jan. 06 : Tan Hombar anepdang Manipur len nungi tenzüka Northeast ajunga nung menoknok anokba sülen tanü Bodbar nikongdang 3:55 ako shi nung Assam nung menoknok tera anokogo.
Iba menoknok asadangba nung Richter scale 4.0 dang liasü, iba jagi yiruyipong aser takoksa ajuruba osang kecha mali asü.
Hombar anepdang anokba menoknok ya Manipur nung Imhal nungi kilomettre 33 shi pilar tesem ka nungi tenzük aser ibaji Nagaland, Assam , West Bengal , Arunachal Pradesh , Bihar aser Jharkhand tashi nung amshia oagi anoka liasü. Iba lendong nung nisung 9 asü aser noklang dak tema yiruba osang liasü.
You must be logged in to post a comment Login