Assam nung mitkartemi NSCN (IM) züngsem ka apu

Dimapur, Metsüremi 08 (TYO): Yimjung nung alitsü aser timtem majurutsü mechi Dao Division kübok Security Forces temi anibelem mesasai mita bushiba mapang telungpur aika puogo. Maneni Metsüremi 8, 2018 anogo 4 Mile, Jagun, Tinsukia district nung Security Forces temi NSCN (IM) nungi Baba Dhole apu. Pa ya 4 Mile, Jagun nung kiralongra mapa inyaka aser tashiyim agi sen sarua jajatsü merangba mapang apu, ta Col C Konwer, PRO (Defence) ajanga sangdong ka nung ashi.
Security Forces temi Upper Assam nung kanga sashia mita bushiba mapa inyaka arudagi aser tang züngsem ka apuba ajanga telungpurtemi tashiyim agi senotsü saruba maparen nung tetsükdaktsü ajurutsü, ta mitkar lenir-isa shisem.