Assam nung mitkartemi sen lakh 20 bena lia apu

Guwahati, December 10 (Agencies): Shidi sen tasenba 2,000 commission agia sen tejen den melentetba nung adener nisung asem mitkartemi apu, ta mitkar ajanga Honibar osang ka sangtong.
Mitkar ajanga ashiba aki, parnok ya Hokulbar aonung Hatigaon tesem nung ki ka nung lia apu. “Osang ka lazükba sülen onoki ki ka mita ata, aser iba ki nung parnok nisung asem shidi sen tasenba 2,000 nung lakh 20 bener lia apu” ta mitjar demi ashi.
Mitkar temi ashiba aki, item teloki bena aliba senji ano tanga telok ka dang sen tejenba lakh 26 aki melentsü liasü.
“Parnok asemi item sen tasenba pai kji kong nungi nguted, ibaji onoki asüngdangyadar” ta mitkardemi ashi.
Bank nung inyakertem karbo densema alitsü akok, ta parnoki temulung malemba olen ka shisem. India linük ajunga den külemi Assam nung aliba nüburdema taoba ita nungi sen tasenba asoshi kanga timtemba mapang ka lir.
Bank-i sen tasenba aser jenjang eshiba sen linük ajunga nung angur ta shiaka, nübur kar, talisa yimtsüng nung alirdem maneni kanga rokongteper.