Assam nung Naga nunger aliba lushi madentsüla: Gogoi

Guwahati, August 11 (Agencies) : Centre sorkar aser NSCN-IM tsüngda Naga yimjung tenangzüktep agiba nung Assam nung alir Naga nungertem lushi densema melira, Assam sorkari iba tenangzüktep pelashishia agizüker, ta chief minister Tarun Gogoi-i ashi.
“Naga yimjung tenangzüktep nung Assam nung Naga nunger aliba lushi medensemi telemtetba ka agitsü atema inyaker süra Assam sorkari ibaji pelashishia agizüker,” ta Gogoi-i sangdong ka nung metetdaktsü.
Naga yimjung tenangzüktep ajanga telemtetba ka agia Nagaland aser northeast nung yimjung, terenlok aser azükarutsü atema lenmang lapoker süra kanga junger, ta Gogoi-isa ashi.