Assam nung national park 6buba lapoktsütsü

Guwahati, Aami/June 03, 2019 (Agencies): Assam state nung Dima Hasao district kübok arem min ka nung state indang national park trokbuba lapoktsütsü terenemba lir.
Osangtem ajanga angazükba agi, iba national park yagi wazüka ayuba Simleng River Impenetrable National Park indang tesem sq km 100 shii ayimjemtsü. Iba denji külemi national park tasenba yagi Meghalaya state anasa Nampuh Wildlife Sanctuary aser Cachar district indang Borail Wildlife Sanctuary tesem tem den atonga sendaktepa ayimjemtsü.
Tang Assam state kübok Kaziranga, Manas, Nameri, Dibru-Saikhowa aser Orang tesem nung national park ajak agi pungu shi lapoka lir.
Ano külen Dima Hasao district nung Langting Mupa Reserve Forest (sq km 497.55), Krungming Reserve Forest (sq km 124.42) aser Barail Reserve Forest (sq km 89.93) lapoka lir.
Iba district indang aremtem nung arem shiruru tapu balala talisa keyi, merok keyi, shiti, mesü, shirem, arem azü, arem jang aser shiruru tapu balala meyoktepa lir.
Ano külen, iba district arem nung tongtibang süngdongtemji – Haldu, Gamari, Titachopa, Nahar, Bonsum, Bogipoma, Bola, Koroi, Bhelu, Makri, Sal aser tanga süngdonglidong densema lir.
Item arem shiruru aser arem temelem aliba asadangtetba sülen, Assam state nung national park trokbuba lapoktsü atema asalentong yangludar.