Silchar, January 9 (Agencies) : Hokolbarnü Assam nung 11th North Cachar Hills Autonomous Council kübok BJP züngsem 10-i council toktsüba ajanga timtem tulu ka adokogo.
Züngsemtem jagi Niranjan Hojai lenisüba kübok BJP council anema ken o ka benoktsü telemtetba agi.
Dima Hasao district headquarters Haflong nungi osang ka ajanga ashiba agi, Council toktsüba BJP züngsemtemji Congress nung adentsü aser Dima Hasao district nung Congress-i aniba council tentettsü atema lir.
BJP toktsürtemji Mihir Gorlosa (Kalachand), Fleming Rupsi Shylla (Jatinga), Khawvelthang Hmar (Mahur), Athong Lienthang (Borail), Hailangkambe Kuame (Dihamlai), L.Hlima Keivom (Haflong), Suanthangjem Hrangkhol (Dolong), Laljoshua Biate (Kharthong), Denis Teron (Garampani) aser Paudamming Nriame (Laaisong) nungertem lir.
“Chairman Niranjan Hojai lenisüba nung onoki mepelar. Council inyakyim nung loktiyimten tangatetba mali. Anungji onoki chairman anema no-confidence benoktsü atema BJP toktsütsü telemtetba agi” ta Mihir Gorlosa-i osangbener dang ashi.
Parnoki Assam Angh P B Acharya den tekaratiba nung ajuruteptsü aser no-confidence motion benoktsü ta paisa shisem.
Osang ajanga ashiba agi, BJP toktsürtemji anogo ana-asemka tsüngda Congress nung adentsü.
Dima Hasao district Congress president Mahendra Kemprai-i ashiba agi, BJP toktsürtem jagi pa den ajurutepogo aser Congress nung dennüba osang metetdaktsüogo.
Kobi melii parnok Congress nung anioktsü, ta paisa shisem.
Iba inyakyim ajanga NCHAC nung Congress menden 7 aliba nungi 17 aser BJP menden 18 aliba nungi 11 akümtsü.
Yaküm October ita, item Congress züngsem 10-i Congress-i aniba council loksatsütsü mechi nung BJP nung aden. Shitakba agibo item züngsemtem ya 2013 election nung Independent ama toktepa takok angu aser iba sülen Congress nung adenba liasü.
You must be logged in to post a comment Login