Assam nung NDFB Commander ka kahset

Guwahati, November 14 (Agencies) : December 2014 nü Kokrajhar nung nisung aika tepsetba ken o nung tai tonglokja alir NDFB (National Democratic Front of Bodoland) tanishir ka Honibarnü kahsetogo.
Iba nisung ya NIA (National Investigation Agency)-i aputsü bushia liasü aser tanü Assam kübok Chirang district nung army aser police telok ka den kahtepdang kahset.
December 2014 Kokrajhar amakba lendong nung Jaola Basumatary-i shilem agi. Iba tatalokba nung NDFB telungpurtemi Adivasi nunger 100 jungnüa tepset aser iba dak sendakba nung National Investigation Agency (NIA)-i Jaola ken o asem nung aija liasü.
Tanü Jaola-i sepaitem den kahtepdang mashiba pistol den injang kar ngutetogo.
National Democratic Front of Bodoland (NDFB) ya Khristan tamanger timba ser aliba telungpur telok ka lir aser parnoki Assam nung aliba Bodo nunger asoshi Bodoland tentettsü takhangba agütsür.