Assam nung NDFB(S) ultra ka apu

Guwahati, November 09 (Agencies): Assam anülulen tsütsü Kokrajhar district kübok Maslapara nung National Democratic Front of Bodoland (Songbijit) [NDFB (S)] telungpur ka tanü, Hombar nü security temi puogo.
Defence otongdari ashiba agi, osang tejangja angashiba sülen India Army temi Assam police tem den lokteper mita aoba mapang iba telungpurji apu.
Pa tenüngji Sanjiv Wari (Akash) ta police-i jangjaogo. Sanjiv Wari ya 2007 küm Udalguri nung aser iba sülen Myanmar nung training agiba nisung lir.
Pa ya ozüng alema sen sarur aser mapa tamajung aika inyakba nisung ka lir.
Pa ket nungi 9 mm Pistol ka den magazine aser injang kar den Chinese Grenade ka ta nguteta lir.