Assam nung nisung 5 dak Covid 19 putet

Guwahati, April 1 (Agencies): Tan ita tetenzüklen Nizamuddin, Delhi nung tamangba yimsü sentong nung adener nisung pungu dak Covid 19 aketba putetogo, ta tanü Assam sorkari metetdaktsüogo.
“Nisung pungupronglaji Delhi nung Tablighi Jamaat nung aden” ta Assam Health Minister, Himanta Biswa Sarma-i ashi.
Parnok punguji Karimganj aser Nalbari nungi kaka aser Jagiroad nungi asem lir, ta paisa ashi.
Nisung ka Silchar Medical College and Hospital nung aser tanüngba pezüji Guahati Medical College and Hospital nung anepaludar. “Maneni par sample collection aser testing mapa inyakdar” ta Sarma-isa ashi.
Tang tashi nung Assam nung nisung 6 dak Covid 19 aketba puteta lir. Mongulbarnü Karimganj nung tambur ka dak coronavirus aliba putet aser pa tang anepaludar.